मराठी माती | Marathi Mati Lyrics in Marathi
-कुसुमाग्रज (वि वा शिरवाडकर)

माझ्या मराठी मातीचा 

लावा ललाटास टिळा

हिच्या संगाने जागल्या 

दऱ्याखोऱ्यांतील शिळा 

हिच्या कुशीत जन्मले , काळे कणखर हात

ज्यांच्या दुर्दम धीराने केली मृत्यूवरी मात 

नाही पसरला कर , कधी मागावयास दान

स्वर्णसिहासनाने कधी लावली ना मान 

हिच्या गगनात घुमे , आद्य स्वातंत्र्याची द्वाही 

हिच्या पुत्रांच्या बाहुत आहे समतेची ग्वाही

माझ्या मराठी मातीचा 

लावा ललाटास टिळा

हिच्या संगे जागतिल

मायदेशातील शिळा 

Marathi Mati Lyrics in English